Mərkəzi Neftçilər Xəstəxanasının (MNX) Ürək-Damar Xəstəlikləri şöbəsi 2005-ci ildən etibarən ölkəmizdə ürək və damar xəstəliklərinin cərrahi və qeyri-cərrahi üsullarla müalicəsini yüksək peşəkarlıqla həyata keçirir.
Şöbə müasir tibbi texnologiya ilə təchiz olunmuşdur.

Ürək-damar xəstəlikləri şöbəsində müasir tibbi cihaz və metodlardan istifadə edilərək kompleks müayinə və müalicə xidmətləri göstərilir. Şöbədə aparılan əsas diaqnostika və müalicə metodlarına aşağıdakılar daxildir:

• Elektrokardioqrafiya (EKQ)
• Stress-EKQ test
• Rəngli Doppler exokardioqrafiya
• Stress-exokardioqrafiya
• Transezofaqeal exokardioqrafiya
• Koronar və periferik angioqrafiya
• Ürək boşluqlarının kateterizasiyası

Bu prosedurlar Almaniya, İtaliya, Niderland və ABŞ-ın Siemens, Schiller, Cardioline, Philips və Medtronic kimi tanınmış istehsalçılarının yüksək keyfiyyətli cihazları vasitəsilə həyata keçirilir. Şöbənin təcrübəli həkimləri xəstələrin sağlamlığı haqqında dolğun və ətraflı məlumat əldə etmək üçün bütün müayinə mərhələlərini diqqətlə icra edir və yalnız bundan sonra dəqiq diaqnoz və müalicə planı müəyyən edilir.

Cərrahi və İntervensional Müalicələr

MNX Ürək-Damar Xəstəlikləri Şöbəsində həm açıq, həm də minimal invaziv cərrahiyyə üsulları ilə müxtəlif ürək və damar problemlərinin müalicəsi aparılır. Burada müvəffəqiyyətlə həyata keçirilən əsas proseduralar bunlardır:

• Koronar angioplastika
• Balon angioplastika
• Damardakı darlığın genişləndirilməsi və stent qoyulması
• Müvəqqəti və daimi kardio-stimulyatorların implantasiyası

MNX Ürək-Damar Xəstəlikləri Şöbəsində aşağıdakı patologiyaların diaqnostikası və müalicəsi həyata keçirilir:

1. Anadangəlmə ürək qüsurları
2. Qazanılmış ürək qüsurları
3. Ürəyin işemik xəstəliyi və digər ürək xəstəlikləri
4. Aorta və digər arteriyaların xəstəlikləri
5. Venoz damar patologiyaları

Hər bir insan keyfiyyətli tibbi xidmətə layiqdir!