P88: Cənub Şərqi və Şərqi Avropa ölkələrinin gücləndirilməsi" layihəsi çərçivəsində təlim kursu keçirilmişdir
Mərkəzi Neftçilər Xəstəxanasının Təcili Tibbi Yardım şöbəsinin həkimi Samirə Bayramova "P88: Cənub Şərqi və Şərqi Avropa ölkələrinin gücləndirilməsi" layihəsi çərçivəsində təlim kursu keçmişdir.
10-21 oktyabr 2022-ci il tarixində Gürcüstanın Tbilisi şəhərində yerləşən Fövqəladə Halların Əlaqələndirilməsi və Təxirəsalınmaz Tibbi Yardım Mərkəzində Fövqəladə Hallar Nazirliyinin koordinasiyası ilə Tibbi Ərazi Bölmələrini İdarəetmə Birliyinin (TƏBİB) mütəxəssisləri üçün "P88: Cənub Şərqi və Şərqi Avropa ölkələrinin gücləndirilməsi" layihəsi çərçivəsində təlim kursu təşkil edilib.
Təlim kursunda TƏBİB-in və tabeliyindəki müəssisələrinin mütəxəssisləri iştirak edib.
Sonda iştirakçılara təlimçi sertifikatları verilib.
Qeyd edək ki, Avropa İttifaqının maliyyə dəstəyi ilə hazırlanan layihənin əsas məqsədi KBRN-lə bağlı fövqəladə hadisədən sonra sağlamlığa dəyər zərərlərin və insan itkisinin azaldılması üçün tibbi hazırlıq, cavab tədbirləri üzrə mövcud imkanların gücləndirilməsi və inkişaf etdirilməsi, iştirakçı ölkələrin müvafiq tədbirlər üçün ehtiyaclarının öyrənilməsi, mümkün dəstəyin göstərilməsi, eləcə də tibbi müdaxilə və təbabət üzrə milli təlim mərkəzlərinin yaradılmasıdır.
