Fizioterapiya, təbii və fiziki amillərin müalicəvi xüsusiyyətlərini öyrənərək, bu amilləri müalicə və profilaktik məqsədlər üçün tətbiq edən tibbi sahədir. Bu sahə, bir çox xəstəliklərin qarşısının alınmasında və müalicəsində təsirli üsul olaraq istifadə olunur.

Təcrübəli həkimlər və fizioterapevtlərdən ibarət komandamız, həm poliklinik, həm də ağır baxım xəstələrinə peşəkar xidmət göstərir. Xəstəxanamız fiziki müalicə, məşq və xüsusi avadanlıqlarla təchiz edilmiş müalicə otaqları ilə xidmətinizdədir.

MNX-nın Fizioterapiya və Tibbi Bərpa Şöbəsinin əsas məqsədi, təbii və fiziki amillərin müalicəvi xüsusiyyətlərindən faydalanaraq, xəstəliklərin müalicəsində optimal nəticələr əldə etməkdir. Həkimlərimiz, hər bir xəstənin vəziyyətini ətraflı araşdıraraq, müalicə prosesinə uyğun ən düzgün planı tərtib edirlər. Bu mərhələdə məqsəd yalnız ağrını aradan qaldırmaq deyil, ağrının səbəblərini də aradan qaldırmaqdır.

Fizioterapiya və Tibbi Bərpa şöbəsində aşağıdakı müalicə metodlarından istifadə edilir:
Ozonoterapiya
Elektrostimulyasiya
Elektroterapiya
Galokamera
İnhalyasiya
Kombinə elektroterapiya
Lazer müalicəsi
Maqnitoterapiya
Naftalanla müalicə
Parafin müalicəsi
Parafin-naftalanlı applikasiya
Tibbi masaj
Ultrasəs müalicəsi

Reabilitasiya sahələrimiz aşağıdakı kimi təqdim edilir:
Kardioloji reabilitasiya
Nevroloji reabilitasiya
Ortopedik reabilitasiya
Pediatrik reabilitasiya
Pulmonoloji reabilitasiya

Hər bir insan keyfiyyətli tibbi xidmətə layiqdir!